Kiyevin atəşə tutulması nəticəsində ölən və yaralananlar var – YENİLƏNİB + FOTO/VİDEO

Kiyevin atəşə tutulması nəticəsində azı 3 nəfər ölüb, daha 6 nəfər yaralanıb.

Bu barədə şəhərin hərbi administrasiyası məlumat yayıb.

Raketlərdən biri yaşayış binasına tuş gəlib.

Kiyev meri Vitali Kliçkonun sözlərinə görə, dörd zərərçəkən tibb müəssisələrinə yerləşdirilib. Xəsarət alan 1 nəfərə yerindəcə tibbi yardım göstərilib.

Mənbə: rbc.ua

17:04

Rusiya Ukraynanın Kiyev vilayətində infrastruktur obyektlərinə raket zərbələri endirir.

Bu barədə Ukrayna paytaxtının meri Vitali Kliçko “Telegram” səhifəsində məlumat verib.

“Sığınacaqlarda qalın! Paytaxtın müxtəlif ərazilərində daha bir neçə partlayış baş verib. Hadisə yerində xilasedicilər və həkimlər işləyirlər”.

Əhaliyə daha öncə raket hücumu təhlükəsi barədə xəbərdarlıq edilib.

Bu barədə Kiyev Vilayət Hərbi Administrasiyasının rəhbəri Aleksey Kuleba “Telegram” kanalında yazıb:

“Kiyev vilayəti! Hava hücumu siqnalını gözardı etməyin. Bölgəyə raket hücumu təhlükəsi var”.

Kuleba vətəndaşları sığınacaqlarda və ya təhlükəsiz yerlərdə qalmağa çağırıb.

Qeyd edək ki, bütün Ukrayna ərazisində hava siqnalı həyəcanı elan edilib. Ukraynalılar ehtiyatlı olmağa çağırılıblar.

Eyni zamanda yerli KİV-in məlumatına görə, Kiyev, Xarkov, Xmelnitski, Nikolayev və Ukrayna Ordusunun nəzarətində olan Zaporojyedə elektrik enerjisi ilə təminatda fasilələr var. Mer Andrey Sadovoy isə Lvovda elektrik enerjisinin tamamilə kəsildiyini bildirib.