BMT İranda insan hüquqları pozuntularını araşdırmaq üçün xüsusi missiya yaradır

BMT-nin İnsan Haqları Şurası (HRC) cümə axşamı Cenevrədə keçirilən xüsusi sessiyada İranda etirazlar zamanı insan haqları pozuntularını araşdırmaq üçün beynəlxalq missiyanın yaradılmasını nəzərdə tutan qətnaməni qəbul edib.

ABŞ və digər Qərb dövlətləri tərəfindən fəal şəkildə irəli sürülən Şuranı təşkil edən 47 nümayəndə heyətindən 25-i tərəfindən bəyənilib, altı ölkə, o cümlədən Ermənistan, Çin və Kuba əleyhinə səs verib, 16 dövlət isə səsvermədə bitərəf qalıb.

Qətnamədə bildirilir ki, Şura müstəqil faktaraşdırıcı missiya yaratmaq qərarına gəlib. Onun vəzifəsi 2022-ci il sentyabrın 16-da başlayan etirazlarla bağlı İran İslam Respublikasında insan hüquqlarının pozulması ilə bağlı iddiaları hərtərəfli və müstəqil şəkildə araşdırmaq olacaq. Missiya mümkün pozuntularla bağlı faktları və şəraiti müəyyən etməli, həmçinin sübutları toplamalı və təhlil etməlidir. Üzvləri İnsan Haqları Şurası sədri tərəfindən təyin olunacaq missiyanın Şuranın 2023-cü ilin yayında baş tutacaq 53-cü sessiyasına öz işi haqqında şifahi təqdimat, 2024-cü ilin əvvəlindəki 55-ci sessiyasına tam hesabat təqdim etməsi gözlənilir.

Mənbə: TASS