Reznikov: “Ukraynanın HHM sistemi öz effektivliyini 50-dən 80 faizə yüksəldib”

Ukraynanın hava hücumundan müdafiə sistemləri dekabrda effektivliyini 50%-dən 80%-ə yüksəldib.

Bunu Ukraynanın müdafiə naziri Aleksey Reznikov “The Guardian”a müsahibəsində deyib.

O, 5 dekabr hücumunu misal çəkib. Həmin vaxt Ukrayna atılan 70 raketdən 60-nı vurub.

Nazirin sözlərinə görə, uğurun sirri Ukraynanın müttəfiqlər tərəfindən hədiyyə edilmiş hava hücumundan müdafiə sistemləri, sovet dövründən qalma sistemlər və təkmilləşdirilmiş mobil pulemyotlardan istifadə etməsidir.

Bununla belə, Ukrayna müttəfiqlərini onu daha çox silah sistemi, o cümlədən daha yaxşı hava hücumundan müdafiə sistemi ilə təmin etməyə çağırır.