“Yuventus” fanatları İtaliya Futbol Federasiyası prezidentini ölümlə hədələyiblər

“Yuventus” azarkeşləri komandanın hesabından 15 xal silindikdən sonra İtaliya Futbol Federasiyasının rəhbərini hədələyiblər.

Fanatlar sosial şəbəkələrdə Qabriele Qravinanı və onun həyat yoldaşı Fransisko İbarranı, həmçinin qurumun müstəntiqi Cüzeppe Çinanı ölümlə təhdid ediblər.

Hazırda məsələ ilə bağlı səlahiyyətli orqanlar tərəfindən araşdırma aparılır.

Xatırladaq ki, “Yuventus” 15 xalı itirdikdən sonra A Seriyasında 10-cu pilləyə düşüb.

Mənbə: sports.ru