III Çarlzın taxtı tacqoymadan öncə təmirə göndərildi – FOTO

Britaniya monarxlarının taxtı III Çarlzın tacqoyma mərasimindən əvvəl bərpaya göndərilib.

Ekspertlərin fikrincə, 700 illik palıd taxt “son dərəcə kövrəkdir”. Bərpaçılar kürsünü təmizləyir və soyulmuş zərli təbəqələri bərpa edirlər.

Taxt 1272-ci ildən 1307-ci ilə qədər hökmranlıq edən Kral I Edvardın əmri ilə hazırlanıb. O vaxtdan bəri, demək olar ki, bütün tacqoyma mərasimlərində istifadə olunur.

Bildirilir ki, artıq dörd aydır ki, taxtın bərpası üzərində iş gedir.

Xatırladaq ki, III Çarlzın tacqoyma mərasimi mayın 6-da keçiriləcək.

Mənbə: iz.ru