Dörd il sonra Rusiyadan gələn təyyarə Tbilisidə etirazlara səbəb oldu - YENİLƏNİB + VİDEO

Rusiyada Moskvanın Vnukovo hava limanından Gürcüstanın Tbilisi şəhərinə dörd ildən sonra ilk birbaşa uçuş həyata keçirilib.

Təhlükəsizliyin təmin edilməsi məqsədilə hava limanına çoxlu sayda polis cəlb edilib.

Rusiya-Gürcüstan hava əlaqəsinin bərpasına qarşı çıxan Gürcüstan müxalifətinin və qeyri-hökumət təşkilatının bəzi nümayəndələri isə aeroport ərazisində etiraz aksiyası təşkil ediblər.

Bəzi şəxslər hətta polis kordonunu yararaq hava limanın ərazisinə soxulublar.

Ərazidə polislə etirazçılar arasında toqquşmalar yaşanıb.

10:59

Rusiyada Moskvanın Vnukovo hava limanından Gürcüstanın Tbilisi şəhərinə dörd ildən sonra ilk birbaşa uçuş həyata keçirilib.

Bu barədə Moskva hava limanının onlayn məlumat tablosunda qeyd olunub.

Uçuş Rusiyanın “Azimut” aviaşirkəti tərəfindən həyata keçirilir.

Təyyarədə “Sülh Naminə Həmrəylik” ictimai təşkilatının sədri Merab Çikaşvilinin rəhbərlik etdiyi Gürcüstan nümayəndə heyətinin olduğu məlumdur.

Təyyarənin Moskva vaxtı ilə saat 12:38-də eniş edəcəyi gözlənilir.

Mənbə: vm.ru