Hemilton “Ferrari”nin pilotu olacaq?

Yeddiqat dünya çempionu Lyuis Hemilton tezliklə “Ferrari” ilə müqavilə imzalayacaq.

Bu barədə AS nəşri öz mənbələrinə istinadla xəbər verib.

Bildirilir ki, Hemilton 2025-ci il mövsümündə İtaliya komandasının pilotu olacaq. Hazırda britaniyalı “Ferrari” ilə müqavilənin detallarını müzakirə edir.

Britaniyalının sürücüsü olduğu “Mercedes”lə cari müqaviləsi ikiillik deyil, “1+1” prinsipinə əsaslanan opsional müqavilədir.

Keçən il yeddiqat dünya çempionu 234 xalla ümumi pilotlar sıralamasında üçüncü yeri tutub. Titulu Avstriyanın “Red Bull” komandasını (575 xal) təmsil edən niderlandlı Maks Ferstappen qazanıb. İkinci nəticəni isə Ferstappenin komanda yoldaşı Serxio Peres (285 xal) göstərib.