Lavrov: “İrəvanın Rusiya sülhməramlıları ilə bağlı iddiaları əsassızdır”

Ermənilərin Qarabağda Rusiya sülhməramlılarını fəaliyyətsizlikdə ittiham etmələri əsassızdır.

Bunu Rusiyanın xarici işlər naziri Sergey Lavrov yerli mediaya müsahibəsində deyib.

Onun sözlərinə görə, üçtərəfli bəyanatda Azərbaycandakı erməni sakinlərin xüsusi hüquqlarının təmin edilməsinə ehtiyac olduğuna dair heç nə yoxdur:

“Buna görə də, sülhməramlılarımızın fəaliyyətsizliyi səbəbindən ermənilərin Qarabağı tərk etdiklərini söyləmək düzgün deyil”.