İranda son beş ildə 200-ə yaxın azyaşlı intihar edib - FOTO

İranda son beş ildə ən azı 196 uşaq həyatına son qoyub.

Bu barədə “Azad İran” “Telegram” kanalı Güney Azərbaycan İnsan Haqları Cəmiyyətinə istinadən xəbər verib.

Məlumata görə, orta hesabla hər doqquz gündə bir uşaq intihar edib və bunun 66%-dən çoxu qız uşaqlarının payına düşüb.

İntihar səbəbləri arasında ailə münaqişələri, məcburi evlilik, yoxsulluq, depressiya və təhsil problemləri göstərilib.

İntihar halları daha çox Tehran, Xuzistan, Xorasane Rəzəvi əyalətlərində qeydə alınıb.

Bildirilib ki, intiharlar hündürlükdən yıxılma, özünü asma, həddindən artıq həb qəbuletmə və bir sıra digər üsullarla həyata keçirilib.