Fransa yarımfinalda

Futbol üzrə dünya çempionatında 1/4 final mərhələsinə start verilib.

Oxu.Az xəbər verir ki, bu mərhələnin ilk görüşündə ikiqat dünya çempionları Uruqvayla birqat dünya çempionları Fransa üz-üzə gəlib.

Görüş Fransanın 2:0 hesablı qələbəsi ilə başa çatıb. Qolları Rafael Varan və Antuan Qrizman "Qalatasaray"ın qolkiperi Fernando Musleranın qapısından keçirib.

Qeyd edək ki, Fransanın 1/2 finaldakı rəqibi bu gün Bakı vaxtı ilə saat 22:00-da başlayacaq Braziliya – Belçika görüşündən sonra bilinəcək.

Səbuhi MUSAYEV
www.oxu.az