28 
Yan
2016
12:42
20
121
13047
Virtual karabakh

Doğuşdan sonra vəziyyəti ağırlaşan müğənni öldü – VİDEO

36 yaşında.

Başqırdıstan və Tatarıstanın ən məşhur müğənnilərindən biri, əməkdar artist, “Tuğan yak”, “Yanqış mileş” hitinin ifaçısı Vəsilə Rafizovna Fəttahova Ufada 36 yaşında vəfat edib.

Oxu.Az xəbər verir ki, bu barədə TASS-a Respublika kliniki xəstəxanasında olan mənbə məlumat verib.

“36 yaşlı müğənni ötən ilin dekabrın 27-də ikinci övladını dünyaya gətirmişdi. Doğuş çox ağır keçdiyindən o, Ufadakı Respublika Kliniki Xəstəxanasının reanimasiya bölməsinə yerləşdirilmişdi. Həkimlər 5 cərrahiyyə əməliyyatı aparsalar da, müğənnini xilas edə bilməyiblər”, - mənbə bildirib.

Başqırdıstanın Səhiyyə Nazirliyinin mətbuat katibi Svetlana Kusarbekova TASS-ın müxbirinə müğənninin ölüm faktını təsdiqləyib, amma qohumlarının icazəsi olmadan diaqnoz barədə məlumat verməyin mümkün olmadığını bildirib.

“Mədəni ictimaiyyət öz yaradıcılığı ilə müxtəlif millətləri vətənə ülvi məhəbbət hissi ilə birləşdirən müğənnini itirdi”, - Başqırdıstan Mədəniyyət Nazirliyinin mətbuat-xidmətində bildiriblər.

Aktrisa “Tuqan yak” mahnısı sayəsində populyarlıq qazanıb. Mahnı Ural Raşitov tərəfindən xüsusilə onun üçün yazılmışdı. Mahnı tatar dilində oxunsa da yalnız Başqırdıstanda deyil, bütün Rusiyada rəğbət qazanmışdı.

Kompozisiya “Büllur bülbül” estrada festivalında “Beynəlmiləl mahnı” nominasiyasında ən yaxşı mahnı hesab edilib, eləcə də “10 illiyin ən yaxşı hiti” nominasiyasında, 2008-ci ildə isə tatar mahnı festivalı “Tatar jırı”da laureat olub.

Fəttahova həmçinin “Yanqız mileş”, “Atayım” hitlərinin ifaçısıdır.

Müğənni ilə vida mərasimi yanvar ayının 28-də Ufadakı Başqırd Dövlət Filarmoniyasının binasında keçiriləcək. 

www.oxu.az

Bizimlə əlaqə saxlayın

Digər Şou-biznes xəbərləri