İlhamə Nazpəriyə qalib gəldi – üzr istəməli, 25 min manat ödəməlidir

“Düşünürəm ki, məhkəmə ədalətli qərar verdi”.

Xalq artistləri İlhamə Quliyeva ilə Nazpəri Dostəliyevanın məhkəmə çəkişmələrinə Ali Məhkəmə tərəfindən baxılıb və yekun qərar verilib.

Oxu.Az xəbər verir ki, Qafqazinfo-ya bu haqda xalq artisti İlhamə Quliyeva məlumat verib. O bildirib ki, Ali Məhkəmənin qərarına əsasən Nazpəri Dostəliyeva 25 min manat cərimələnib:

“Bu gün Ali məhkəmədə Nazpəri Dostəliyevaya qarşı iddiam üzrə məhkəmə prosesi keçirilib. Məhkəmənin qərarına əsasən Dostəliyeva mənə 25 min manat ödəməlidir və eyni zamanda məndən üzr istəməlidir. Düşünürəm ki, məhkəmə ədalətli qərar verdi. Çünki Nazpəri mənim şərəf və ləyaqətimi təhqir etmişdi”.

www.oxu.az