Başından güllələnən müğənni gözlərini açdı
Başından güllələnən müğənni gözlərini açdı
“Çox xoşbəxtəm, sanki 60 yaşımda yenidən doğulmuşam”.
Diyarbəkirdə məruz qaldığı silahlı hücum nəticəsində ağır yaralanan və Qazi Yaşargil Təhsil Araşdırma Xəstəxanası Beyin Cərrahiyyə Reanimasiya Şöbəsində müalicəsi davam edən 19 yaşlı müğənni Mutlu Kaya ötən gün oyanıb.
Oxu.Az Türkiyə mətbuatına istinadla xəbər verir ki, 13 gündür xəstəxanada müalicə alan və 22 maydan etibarən dərmanları kəsilərək oyandırma müddəti başladılan Mutlu Kaya bacısı Songül Kayanın danışıqlarına gözlərini açıb-bağlayaraq reaksiya verib və arada ağlayıb.
Kayanın atası Mehmet Kaya “Xəbəri mənə qardaşım oğlu verdi. Qızım gözlərini açaraq danışıqlara reaksiya verib. Daha sonra ağlayıb. Çox xoşbəxtəm, sanki 60 yaşımda yenidən doğulmuşam” deyib.
Aytən Sadıqzadə
www.oxu.az