Azərbaycanlı imam: Ronaldo və Messi cəhənnəmlikdir
Azərbaycanlı imam: Ronaldo və Messi cəhənnəmlikdir
“Əqidəsiz əməlin faydası yoxdur”.
“Əbu Bəkr” məscidinin imamı Qamət Süleymanov bu dəfə futboldan danışıb.
Oxu.Az xəbər verir ki, “Futbol+” qəzetinə müsahibə verən Qamət Süleymanov birmənalı qəbul edilməyəcək fikirlər səsləndirib.
Milli komandamızın üzvlərindən imanı daha güclü olan Rəşad Sadıqov və ya Əfran İsmayılovu tanıyıb-tanımaması barədə sualı cavablandıran məscidin imamı deyib:
“Nəinki onlar, başqaları da gəlir. Məscid Allahın evidir. Ora nəinki idmançılar, hər adam gələ bilər”.
Q.Süleymanov qarşıdan gələn futbol üzrə dünya çempionatında müsəlmanlara uğurlar arzulasa da, hansı komandaya azarkeşlik etdiyini açıqlamayıb.
Məşhur futbolçuların arasında xeyriyyəçilərin çox olduğu, məsələn, Kristiano Ronaldonun fələstinlilərlə isti münasibəti bəslədiyi, Messinin dəfələrlə xeyriyyə aksiyalarında iştirak etdiyini nəzərə alaraq, onların ölümdən sonra hansı dünyaya düşəcəkləri barədə sualı cavablandıran Qamət Süleymanov deyib:
“Mövqeyimiz odur ki, bu adamlar “La ilahə illəllah” demir. Peyğəmbərimiz deyir ki, “kim məni tanımadan ölsə, cəhənnəmlikdir. Əməl əqidəyə bağlı olmalıdı. Əqidəsiz əməlin faydası yoxdur. Ya da ki, hər hansı “mavi” yaxşı iş görə bilər. Amma bu onun əla adam olmasından xəbər vermir. Hər halda, “mavilik” onun böyük problemidi. Ronaldoyla Messi İslamı qəbul etməyibsə, cəhənnəmlikdi”.