“Qəbələ” autsayder ilə oyunda xal itirdi

Roman Qriqorçukun yetirmələri son dəqiqədə məğlubiyyətdən xilas olublar.

Bu gün Topaz Premyer Liqasında XIV tura yekun vurulub.

Oxu.Az xəbər verir ki, son oyun günündə “Qəbələ” doğma meydanda “Rəvan”ı qəbul edib.

Hesabı oyunun 65-ci dəqiqəsində “Rəvan”ın futbolçusu Tural Qurbatov açıb. 

Meydan sahiblərinin hesabı yalnız hakimin oyuna əlavə etdiyi 5-ci dəqiqədə bərabərləşdirə biliblər. Fakundo Pereyra “Qəbələ”ni məğlubiyyətdən xilas edib.

Beləliklə, 9 xal toplayan “Rəvan” turnir cədvəlində hələ də sonuncudur, “Qəbələ” isə 24 xalla “İnter” və “Zirə” ilə birlikdə 2-4-cü yerləri bölüşür.

F.H.
www.oxu.az