Qarabağa köçmüş rusiyalı milyonçu: Siz həqiqəti biləcəksiniz
Qarabağa köçmüş rusiyalı milyonçu: Siz həqiqəti biləcəksiniz
“Bu gün dağdan düşdüm, internetə girdim və təəccübləndim”.
Öz ailəsi ilə Ermənistanın işğal etdiyi Azərbaycanın Dağlıq Qarabağ regionunda olan rusiyalı milyonçu German Sterliqov yaxın bazar ertəsi mətbuat konfransı keçirəcəyini açıqlayıb.
Oxu.Az xəbər verir ki, bu barədə o, Vkontakte-dəki şəxsi səhifəsində yazıb.
“Bu gün dağdan düşdüm, internetə girdim və təəccübləndim. Yaxın bazar ertəsi mətbuat konfransı elan edirəm. Keçirilmə yeri – çiçəklənən bağ Dağlıq Qarabağ, qədim erməni şəhəri Şuşa. Günorta. Keçirilmə ünvanı: Kazançetsots küçəsi, 58. Akkreditasiya +37497178343 telefonu ilə”, - deyə, Sterliqov qeyd edib.
“Ezamiyyət götürün gəlin, əziz jurnalistlər və siz həqiqəti biləcəksiniz”, - deyə, iş adamı əlavə edib.
Qeyd edək ki, bir müddət əvvəl iş adamının vəkili Artur Ayrapetov “Kommersant”a müsahibəsində Sterliqovun ailəsi ilə Dağlıq Qarabağa köçdüyünü bildirmiş, lakin bunun səbəblərini açıqlamamışdı.