Ələtdə ailənin 4 üzvü qəzaya düşdü: Ölən var – YENİLƏNİB
Ələtdə ailənin 4 üzvü qəzaya düşdü: Ölən var – YENİLƏNİB
Bu gün Göygöl rayonunda baş verən qəzada xəsarət alan şəxslərdən biri həyatını itirib.
Oxu.Az APA-ya istinadən xəbər verir ki, Göygöl-Toğanalı avtomobil yolunda, Göygöl Olimpiya İdman Kompleksinin yaxınlığında “VAZ 21-07” və “Zaporojets” markalı minik avtomobillərinin toqquşması nəticəsində 1984-cü il təvəllüdlü Yunis Xıdırov, 1988-ci il təvəllüdlü Vəfa Xıdırova, 1995-ci il təvəllüdlü İsmayıl Əmirov və Göygöl rayon Şəhriyar kənd sakini 1993-cü il təvəllüdlü Elxan Nəbiyev xəsarət alıb.
Həkimlərin səyinə baxmayaraq Elxan Nəbiyev həyatını itirib.
15:14
Bu gün Bakı-Qazax magistralının Ələt qəsəbəsindən keçən hissəsində “Opel” markalı avtomobil mişar daşı yüklənmiş yük avtomobilinə arxadan çırpılıb.
Oxu.Az APA-ya istinadən xəbər verir ki, qəza nəticəsində “Opel” markalı minik avtomobilinin sürücüsü, 1991-ci il təvəllüdlü Vüqar Məmmədov, sərnişinlər –1993-cü il təvəllüdlü Fuad Məmmədov, 1991-ci il təvəllüdlü Lamiyə Məmmədova və 1993-cü il təvəllüdlü Vəfa Məmmədova xəsarət alıblar.
A.M.