Bakıda DƏHŞƏTLİ QƏZA: Avtobus qoca qadını vuraraq öldürdü

Bakının Nərimanov rayonunda ağır yol qəzası baş verib.

APA xəbər verir ki, hadisə Təbriz küçəsində qeydə alınıb.

Belə ki, 26 nömrəli marşurut xətti üzrə hərəkət edən “Daewoo” markalı avtobus yolu keçən 83 yaşlı Rəhilə Zeynalovanı vurub.

Qadın xəstəxanaya çatdırılıb. Onun ayaqları amputasiya edilib.

O, cərrahi əməliyyat zamanı dünyasını dəyişib.

Faktla bağlı Nərimanov Rayon Polis İdarəsində cinayət işi başlanılıb.