Əhali kreditlərə və əmanətlərə bu qədər vəsait sərf edir

Bu ilin yanvar-noyabr aylarında ölkə əhalisinin nominal gəlirləri əvvəlki ilin müvafiq dövrünə nisbətən 8,2% artaraq 43 mlrd. 389,9 mln. manata çatıb.

Oxu.Az Dövlət Statistika Komitəsinə istinadən xəbər verir ki, əhalinin hər nəfərinə düşən gəlirlər orta hesabla 4459,1 manat təşkil edib.

Bu dövr ərzində gəlirlərin 84,8%-i son istehlak xərclərinə, 8,5%-i  vergilər, sosial sığorta və könüllü üzvlük haqlarının, 1,8%-i kreditlər üzrə faizlərin ödənilməsinə sərf edilib, 4,9%-i isə yığıma yönəldilib.

Beləliklə əhali kreditlər üzrə faizlərin ödənilməsinə 781,018 mln. manat xərcləyib, yığıma isə 2 mlrd. 216,1 mln. manat yönəldib. 

L.Ə.

www.oxu.az