Azərbaycanlılar Türkiyədən ingilislərdən çox ev alıb

Türkiyədə may ayında xarici vətəndaşlara 2 415 ev satılıb. 

Oxu.Az ölkənin statistika təşkilatına istinadən xəbər verir ki, xaricilərə ev satışı əvvəlki ilin müvafiq dövrünə nisbətdə 36,1 faiz artıb. 

Xaricilər daha çox İstanbuldan ev alıblar. İkinci sırada Antaliya, üçüncü sırada isə Bursa yer alıb. 

Mayda Türkiyədən ev alanların siyahısına İraq vətəndaşları liderlik edib. Onlar 407 mənzil alışı reallaşdırıblar. İran vətəndaşları 207, Səudiyyə Ərəbistanı vətəndaşları 206, Rusiya vətəndaşları isə 165 mənzil satın alıb. 

Azərbaycanlılar isə Türkiyədən 75 mənzil alıblar. 2017-ci ilin may ayında bu göstərici 63 mənzil olub. 

Ümumilikdə bu ilin beş ayında həmyerlilərimiz qonşu dövlətdən 332 mənzil alışı ediblər. Bununla da Türkiyədən ev alan ingilis vətəndaşlarını geridə qoyublar. 

L.Ə.
www.oxu.az