FEDOR Beynəlxalq Kosmik Stansiyaya çatdı, "Twitter"də zarafat etdi

Rusiyaya məxsus FEDOR (Final Experimental Demonstration Object Research) adlı robot Beynəlxalq Kosmik Stansiyaya gedən yolda ləngidiyinə görə üzr istəyib.

Bu barədə onun "Twitter" səhifəsində yazı paylaşılıb.

"Gecikməyə görə üzr istəyirəm. Tıxacda ilişmişdim. İşimi davam etdirməyə hazıram", - deyə FEDOR zarafatından qalmayıb.

Прошу прощения за задержку. Застрял в пробке. Готов к продолжению работы. pic.twitter.com/iR277q5Mxo

— FEDOR (@FEDOR37516789) 27 августа 2019 г.

Daha öncə yayılan məlumata əsasən, içində Rusiyanın ilk insanabənzər robotu FEDOR olan "Soyuz MS-14" kosmik gəmisi avtomatik rejimdə ikinci cəhddə uğurla Beynəlxalq Kosmik Stansiyaya eniş edib.