Gənc valideynlər uşaqlarının fotosessiyası zamanı yuxuya getdilər – FOTO

Ailədə uşağın doğulmasının əsas əlamətlərindən biri valideynlərin yuxusuz olmasıdır.

“Kanal 24” xəbər verir ki, ilkbeşiklərini fotosessiyaya gətirən valideynlər növbələrini gözləyərkən yuxuya gediblər.

Peşəkar fotoqraf Sara Yankovski uşaqla valideynlərinin şəkillərini çəkməklə məşğul olur. Adətən qadın valideynlərə uşağı necə tutmağı tövsiyyə edir. Lakin bu cütlüklə hər şey başqa cür alınıb.

“Mənim studiyam olduqca rahat və istidir. Çünki burada uşaqların şəkilləri çəkilir. İşıqlanma zəifdir və səs-küy yoxdur. İstirahət üçün çox əlverişli yerdir. Məhz buranın abu-havası uşağın valideynlərinə təsir edib”, - deyə fotoqraf bildirib.