23 
Dek
2021
15:32
410
12
3006
Virtual karabakh

Şəhid baş leytenantın ailəsi Hulusi Akarın dəvəti ilə Ankaraya getdi - FOTO/VİDEO

Türkiyənin milli müdafiə naziri Hulusi Akar işğal altındakı torpaqları qurtaracağına dair ona söz verən azərbaycanlı şəhid baş leytenant Valeh Məmiyevin ailəsini Ankaraya dəvət edib.

Türkiyənin Milli Müdafiə Nazirliyinin “Twitter” hesabında bu barədə paylaşım edilib.

Şəhidimizin atası İsbat Məmiyev, anası İhamə Məmiyeva, qardaşı Vüsal Məmiyev və onun oğlu Sabir Məmiyev Anıtqəbiri, Atatürk və Qurtuluş Savaşı muzeylərini ziyarət ediblər.

Qeyd edək ki, 2020-ci ilin dekabrında Bakıda Türkiyə-Azərbaycan qardaşlığını ifadə edən fotosərgidə Türkiyə milli müdafiə naziri Hulusi Akarın diqqətini Azərbaycana əvvəlki səfərləri zamanı çəkilmiş bir foto cəlb etmişdi. Həmin foto Vətən müharibəsində şəhid olan baş leytenant Valeh Məmiyevin Hulusi Akarla birgə şəkli olub. Həmin şəklin Məmiyevin şəhid olduğu zaman cibindən çıxması da həmin vaxt türkiyəli naziri kövrəltmişdi.

Bizimlə əlaqə saxlayın

Digər Siyasət xəbərləri