Günay İbrahimli: Qanunda yazılan cəriməni ödəyəcəyəm

Müğənni Günay İbrahimli yol hərəkəti qaydalarını pozması barədə yayılan xəbərlərə münasibət bildirib.

Oxu.Az xəbər verir ki, o, “Instagram” hesabında açıqlama yayaraq qanuna uyğun olaraq cəriməsini ödəyəcəyini yazıb.

“Mən artıq neçə ildir ki, sürücüyəm. Təcrübəm böyükdür, bu günə kimi heç bir qəza törətməmişəm. Bu səbəbdən “selfie” çəkən zaman çaş-baş qalmamışam.

Ancaq göründüyü kimi, videoda qayda pozmuşam, boynuma alıram. Qanunda yazılan cəriməni ödəyəcəyəm, ümid edirəm ki, bir daha bu cür addım atmayacağam”.

A.S.
www.oxu.az