Vəfa Zeynalova serialdan niyə gedib?

Əməkdar artist Vəfa Zeynalova ATV-də yayımlanan “Qardaşlar” serialından gedib.

Oxu.Az Qafqazinfo-ya istinadla xəbər verir ki, Bahar obrazını canlandıran aktrisa bir müddətdir serialda iştirak etmir, hətta onun adı serial başlayan zaman qeyd olunan aktyor heyəti siyahısından çıxarılıb.

Layihənin baş prodüseri Elməddin Cəfərov məsələyə münasibət bildirib:

“Vəfa xanım serialdan qarşılıqlı razılaşma ilə gedib. Bu, həmişəlik getmək deyil. Ola bilsin ki, sentyabr ayından yenidən bir arada çalışacağıq. Sadəcə olaraq ssenari yeniləndi, serialın mövzusu dəyişdi.

Hər il yanvar və avqust aylarında yeni mövzu və yeni nəfəslə tamaşaçı qarşısına çıxırıq. Heç bir sıxıntı yoxdur”.

A.S.
www.oxu.az