Dreyki konsertdə fitə basdılar - Səhnəni tərk etdi - VİDEO

Dünya şöhrətli məşhur repçi Dreyk “Camp Flog Gnaw” festivalında çıxış edən zaman xoşagəlməz hadisə ilə üzləşib. Festivalda baş tutan konserti izləməyə gələn tamaşaçılar səs-küy yaradaraq Dreyki səhnədən qovublar.

Oxu.Az xəbər verir ki, konsertin təşkilatçısı Taylerin ideyasına görə, dostu Dreykin çıxışı tamaşaçılar üçün xoş bir sürpriz olmalı idi, amma ciddi bir səhvin ucbatından qurulan plan alt-üst olub.

Məşhur musiqiçi Frank Okeanın festivalda çıxışı baş tutmayıb. Onun yerinə isə səhnəyə Dreyk çıxıb. “Wu-Tang Forever” adlı yeni hitini oxuduqdan sonra ifaçı tamaşaçıların reaksiyasızlığını görüb, “Mən sizin üçün burdayam. Əgər davam etməyimi istəsəniz, davam edərəm” söyləməsi konsertə gələn izləyiciləri əsəbiləşdirib. Onlar repçini fitə basıblar. Bunu görən Dreyk səhnəni tərk etmək məcburiyyətində qalıb.

Baş verən hadisədən kədərlənən Tayler Dreykdən üzr istəyərək, səhnədə baş verənlərə görə kədərləndiyini yazıb:

“Düşündüm ki, dünyanın ən gözəl sənətçilərindən birini festivala gətirmək əla bir fikirdir! Ancaq  hər şey plana uyğun getmədi. Bu, iyrənclikdir. Dostum Dreyk danışa bilmədi və festivalda səhnəyə çıxmağı yalnız mənim istəyimlə etdi, hər şey çox əla ola bilərdi... Yenə də sağ ol, Dreyk! Səhnədə sənin “Hotline Bling” hitini eşitmək istəyirdim, təəssüf ki, alınmadı. Bu, mənim ən sevdiyim mahnıdır”.

Rəşad Əliyev