Moda dünyasına pis xəbər: Qotye son şousuna hazırlaşır - FOTO/VİDEO
Moda dünyasına pis xəbər: Qotye son şousuna hazırlaşır - FOTO/VİDEO
Məşhur fransız modelyer Jan Pol Qotye yanvarın 22-də “Paris Chatelet” teatrında moda sənayesindəki karyerasının 50 illiyinə həsr edilmiş şounun son olacağını bildirib.
Oxu.Az xəbər verir ki, məşhur şəxsi “Twitter” hesabından moda həvəskarlarına videomesaj ünvanlayıb.
“Salam! Mən Jan Pol Qotyeyəm. 22 yanvarda “Paris Chatelet” teatrında karyeramın 50 illik yubileyinə sizi dəvət edirəm. Gələcəksinizmi? Dostlarımla birlikdə böyük bir bayram olacaq, yaxşı vaxt keçirəcəyik. Sizi üzəcək bir xəbərim var: Bu, mənim son moda nümayişim, mənim son “Qotye Paris” şoum olacaq”, - deyə dizayner bildirib.
Qeyd edək ki, 2019-cu ilin aprel ayında 68 yaşını qeyd edən Jan Pol Qotye karyerasına “Pierre Cardin” moda evində başlayıb. Fransız dizayner 1976-cı ildə öz kolleksiyasını yaradıb.
Dünya şöhrətli dəb ikonası şou-biznes nümayəndələri, kino və balet ulduzlarının səhnə geyimlərinin müəllifidir.
This show celebrating 50 years of my career will also be my last. But rest assured Haute Couture will continue with a new concept. pic.twitter.com/PJCC53K4tm
— Jean Paul Gaultier (@JPGaultier) January 17, 2020
Rəşad Əliyev