Oksana Rəsulovadan qalmaqallı açıqlama: “İndi həyatımda Elşad Xose var!?” - FOTO

“Xəzər” TV-də yayımlanan “Hər Şey Daxil” səhər şousunda qonaq olan hind rəqslərinin mahir ifaçısı Oksana Rəsulova keçmiş həyat yoldaşı repçi Elşad Xosedən danışıb.

Oxu.Az xəbər verir ki, keçmiş həyat yoldaşının adını belə eşitmək istəməyən sənətçi proqramın aparıcısı Tarix Əliyevin (Tolik) “Bəs demişdin ki, filmdə yalnız Elşad Xose ilə öpüşərəm?” sualına sərt reaksiya verib:

“İndi həyatımda Elşad Xose var!? Mənim həyatımda indi başqaları var”.

Qeyd edək ki, O.Rəsulova ilə aparıcı Şəhriyar Abilovun baş rolda çəkildikləri “Sevgi Romanı” filminin bu gün qala gecəsi keçiriləcək. Ekran işində Oksana ilə Şəhriyarın öpüşməsi və bu anın filmin “posteri” kimi yayılması sosial mediada müzakirələrə səbəb olub.

Rəşad Əliyev