Biləsuvarda ağır qəzada ölən və yaralıların adları bilindi - YENİLƏNİB
Biləsuvarda ağır qəzada ölən və yaralıların adları bilindi - YENİLƏNİB
Biləsuvarda iki nəfərin ölümü, dörd nəfərin yaralanması ilə nəticələnən ağır yol qəzasının təfərrüatı məlum olub.
Oxu.Az-ın bölgə müxbirinin məlumatına görə, hadisə bu gün günorta saatlarında Biləsuvar-Bəhramtəpə avtomobil yolunun şəhər ərazisindən keçən hissəsində qeydə alınıb.
Belə ki, rayonun İsmətli kənd sakini, 1955-ci il təvəllüdlü Dövlətov Şakir İnşallah oğlunun idarə etdiyi “Lada Priora” markalı avtomobillə həmkəndlisi, 1996-ci il təvəllüdlü Məmmədov Asim Rasim oğlunun idarə etdiyi “VAZ-21015” markalı avtomobil toqquşub.
Qəza nəticəsində “VAZ-21015”də olan sərnişinlər, 1944-cü il təvəllüdlü Tağıyeva Şükufə Qəhrəman qızı və 1961-ci il təvəllüdlü Hüseynova Güllübəyim Mehdi qızı hadisə yerində ölüblər.
Bundan başqa, hər iki sürücü və İsmətli kənd sakinləri - 1993-cü il təvəllüdlü Tağızadə Araz Əsəd oğlu, 1979-cu il təvəllüdlü Əliyeva Məlahət Qurban qızı müxtəlif dərəcəli bədən xəsarətləri alıb.
Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri “VAZ-21015” markalı avtomobildə sıxılmış vəziyyətdə qalan iki nəfərin meyitini deformasiyaya uğrayan maşından çıxararaq, aidiyyəti üzrə təhvil veriblər.
Yaralılar isə Biləsuvar Rayon Mərkəzi Xəstəxanasına çatdırılıb.
Faktla bağlı araşdırma aparılır.
15:15
Biləsuvarda iki nəfərin ölümü ilə nəticələnən ağır yol-nəqliyyat hadisəsi baş verib.
Oxu.Az-ın bölgə müxbirinin məlumatına görə, hadisə Biləsuvar-Bəhramtəpə avtomobil yolunun şəhər ərazisindən keçən hissəsində qeydə alınıb.
“Mercedes” markalı avtomobillə “VAZ-21015” markalı avtomobilin toqquşması nəticəsində iki nəfər hadisə yerində həyatını itirib. Ölənlərin Biləsuvar sakinləri olduğu bildirilir. Hadisə nəticəsində dörd nəfər yaralanıb.
Hazırda ölənlərin şəxsiyyəti dəqiqləşdirilir.