Küləyin sürəti saniyədə 40 metrə çatdı, dalğalar şahə qalxdı

Bakıda və Sumqayıtda şimal-qərb küləyinin sürəti 35-40m/s-ə çatıb.

Bu barədə Ekologiya və Təbii Sərvətlər Nazirliyinin yaydığı məlumatda bildirilib.

Küləyin sürəti Qum adasında 34 m/s, Maştağada 35 m/s, Pirallahıda 24 m/s, Cilov adası, Binə və Ələtdə 28 m/s, Zabratda 22 m/s, Neft daşlarında 27 m/s-dək güclənib. 

Dənizdə isə dalğanın hündürlüyü 6,5 metrdir. 

Qərb küləyi Naftalanda 34 m/s, Tərtərdə 32 m/s, Neftçalada 30 m/s, Bərdə, Zərdab, Tovuzda 22 m/s, Yevlax, Nabran, Cəncədə 20 m/s, Mingəçevirdə 19 m/s, Ağdam, Ağstafa, Xaçmazda 18 m/s-ə çatıb.