İki qəzada iki nəfər öldü
İki qəzada iki nəfər öldü
Ötən gecə piyada ölümü ilə nəticələnən iki yol-nəqliyyat hadisəsi baş verib.
Oxu.Az xəbər verir ki, yol qəzaları paytaxtın Nərimanov və Suraxanı rayonlarında qeydə alınıb.
Belə ki, günorta saatlarında Nərimanov rayonu, A.Nemətulla küçəsi yaxınlığında, Bakı şəhər sakini, 1989-cu il təəvəllüdlü Kamal Akif oğlu Alıyev “Opel” markalı avtomobillə piyada keçidində 1991-ci il təvəllüdlü Cavad Yaşar oğlu İbadovu vurub.
Nəticədə, piyada C.İbadov aldığı ağır xəsarətlərdən hadisə yerində ölüb.
Bir başqa hadisə isə paytaxtın Suraxanı rayonu, Hövsan qəsəbəsində baş verib. Bakı şəhər sakini, 1990-cı il təvəllüdlü Orxan Rasət oğlu Məmmədov “Daewoo” markalı avtomobillə 1995-ci il təvəllüdlü Sahil Vidadi oğlu Qaybalıyevi və 1985-ci il təvəllüdlü Xəyyam Zülümxan oğlu Hümbətovu vurub.
Yaralılar 3 saylı Şəhər Klinik Xəstəxanasına aparılıb. X.Hümbətovun həyatını xilas etmək mümkün olmayıb. S.Qaybalıyevin isə vəziyyəti qənaətbəxş olaraq qiymətləndirilib.
Könül Cəfərli