12 
İyn
2021
19:24
328
20
5236
Virtual karabakh

“Matç TV”nin anti-Azərbaycan yalanı ifşa olundu

Rusiyanın “Matç TV” kanalının daha iki jurnalisti - Mixail Mossakovski və Konstantin Geniç də Avro-2020-yə Bakı üzrə akkreditasiya ala bilməyib. Buna səbəb həmin şəxslərin vaxtilə Azərbaycanın işğal altında olmuş ərazilərinə qanunsuz səfərləridir.

Mixail Mossakovski özünün teleqramdakı kanalında Azərbaycan sərhədindən buraxılmadığını və Rusiyaya geriyə göndərildiyini yazıb. Ardınca kanalın digər şərhçisi Konstantin Geniç də Bakıya buraxılmaması barədə paylaşım edib.

“Matç TV”nin Geniç və Mossakovski barədə susqunluğu və yalnız məsələnin ictimailəşməyə başlanmasından sonra danışması akkreditasiya mövzusu ətrafında yaradılan süni ajiotajın siyasi şoudan başqa bir şey olmadığını təsdiqləyir: - rusiyalı iki şərhçinin də kənarda qalması jurnalistlərin akkreditə olunması məsələsində rəsmi Bakının guya milli-etnik motivlərdən çıxış etməsi mifinə uyğun gəlmirdi.

Qeyd edək ki, “Matç TV”nin erməni əsilli aparıcısı Nobel Arustamyan da Bakıda keçiriləcək oyunlara akkreditasiya ala bilməmişdi. Hər 3 idman müxbirinə imtina cavabının səbəbi onların qanunsuz olaraq Azərbaycan sərhədlərini pozmaları və adlarının XİN-in qara siyahısında olmasıdır.

Kimliyindən asılı ilə olmayaraq, qanun qarşısında hər kəs bərabərdir. Azərbaycanın ərazi bütövlüyünə hörmətsizlik edənlər Bakıya akkreditasiya almadılar və almayacaqlar da. Ermənistanlı və erməni-əsilli idmançılar isə Azərbaycanda dəfələrlə olublar və heç bir çətinliklə üzləşməyiblər, çünki biz milliyətə və etnik mənsubiyyətə yox, qanuna üstünlük veririk.

Bizimlə əlaqə saxlayın

Digər Cəmiyyət xəbərləri