Goranboyda karantin qaydaları kobud şəkildə pozuldu: Toy edənlər CƏZALANDIRILDI

Goranboy Rayon Polis Şöbəsinin (RPŞ) əməkdaşları tərəfindən rayonun Tapqaraqoyunlu kəndində və Qızılhacılı qəsəbəsində karantin qaydalarının pozularaq toy məclisi keçirilməsini aşkar edib.

Daxili İşlər Nazirliyinin Mətbuat Xidmətinin Gəncə regional qrupundan verilən məlumata görə, araşdırmalar zamanı məlum olub ki, hər iki ünvanda ev sahibləri 150 nəfərdən artıq qonaq çağırmaqla övladına toy mərasimi təşkil edib.

Polis əməkdaşları iştirakçılarla profilaktiki söhbətlər apararaq karantin qaydalarını xatırladıb və mərasim təşkilatçıları barədə inzibati protokol tərtib edib.