2021-ci il üzrə agentliyə COVID-19 testinin nəticəsi ilə bağlı 43 900 müraciət olub
2021-ci il üzrə agentliyə COVID-19 testinin nəticəsi ilə bağlı 43 900 müraciət olub
2021-ci il ərzində İcbari Tibbi Sığorta üzrə Dövlət Agentliyinin (Agentlik) “1542” Çağrı Mərkəzinə ümumilikdə 179 515 müraciət daxil olub.
Bu barədə Oxu.Az-a İcbari Tibbi Sığorta üzrə Dövlət Agentliyindən məlumat verilib.
Daxil olan müraciətlərin 87 717-si koronavirus, 41 575-i icbari tibbi sığorta, 29 779-u digər məsələlər, 9 580-i poliklinik xidmət, 8 684-ü əlillik məsələləri və 2 180-i psixoloji dəstəklə bağlı olub.
Koronavirusla bağlı xəttə daxil olan müraciətlərin 17 208-i koronavirus xəstəliyinin gedişatı haqqında məlumatla bağlı, 26 609-u vaksinasiya ilə bağlı, 43 900-ü COVID-19 testinin nəticəsi ilə bağlı olub.
İcbari tibbi sığorta təminatı ilə bağlı xəttə daxil olan müraciətlərin əksəriyyəti müayinə və müalicə (12 514), həmçinin dərman təminatı (7 439) barədə olub.