Azərbaycan Qran-Prisinə ən çox Rusiyadan maraq var

Azərbaycanda keçiriləcək Formula-1 yarışlarına ən çox Rusiyadan maraq var. İkinci ən çox bilet alan azarkeşlər Böyük Britaniyadandır.

Oxu.Az xəbər verir ki, bunu Bakı Şəhər Halqasının Kommunikasiya və Marketinq rəhbəri Nigar Arpadarai deyib.

Bundan başqa, bildirilib ki, britaniyalı pop qrupu “Camirokue” aprelin 27-də konsert verəcək. Konsert “”Cristal Hall”da baş tutacaq. Konsert izləyiciləri üçün xüsusi avtobuslar ayrılacaq.

Daha iki müğənni ilə isə hazırda danışıqlar gedir. Şou proqramında üç DJ-in iştirakı da nəzərdə tutulub.

Qeyd edək ki, Azərbaycan Qran-Prisi 27-29 aprel tarixlərində keçiriləcək. 

Səbuhi TOFİQOĞLU
www.oxu.az