“Bayern” sarsıdıcı məğlubiyyətdən sonra baş məşqçisini istefaya göndərdi

Münxen “Bayern”i baş məşqçı Niko Kovaç ilə yollarını ayırdığını bildirib.

Oxu.Az xəbər verir ki, müqavilə qarşılıqlı anlaşma əsasında ləğv olunub.

“Bayern”in Rəyasət Heyətinin sədri Karl-Haynts Rumeniqe bildirib ki, komandanın son uğursuzluqları klub rəhbərliyini hərəkətə gətirib. Baş məşqçi səlahiyyətlərini müvvəqqəti olaraq Qans Flik icra edəcək. O komandanı Çempionlar Liqasında “Olimpiakos”la oyuna hazırlayacaq.

Qeyd edək ki, noyabrın 2-də “Ayntraxt” münxenliləri darmadağın edib – 5:1. Komanda 10 turdan sonra dördüncü yeri tutur.

Almaniya doğumlu xorvat Niko Kovaç “Bayern”ə ötən ilin yayında gəlib. O, klubu Bundesliqanın qalibi etsə də, Çempionlar Liqasında “Liverpul”a məğlub olaraq mübarizəni dayandırıb.