Polşalı futbolçudan Azərbaycanla bağlı paylaşım: “Həmişə ikinci evimi dəstəkləyəcəyəm!” - FOTO

Daha üç xarici ölkə vətəndaşlığı olan futbolçu Azərbaycanla bağlı paylaşım edib.

Oxu.Az xəbər verir ki, “Qarabağ”ın sabiq futbolçusu Yakub Jezniçak iyulun 12-dən ermənilərin Azərbaycanın Tovuz rayonuna hücum etdiyini göstərən məlumatı paylaşaraq, ingiliscə bu sözləri yazıb: 

“Mən həmişə ikinci evimi dəstəkləyəcəyəm!”

“Neftçi”nin seneqallı futbolçusu Mamadu Mboc isə çempionat vaxtı qol sevincini qeyd edərkən hərbi salam verdiyi şəkli paylaşıb.

Ötən mövsüm “Sumqayıt”da çıxış etmiş israilli Əmir Ağayev general-mayor Polad Həşimovun şəklini bölüşüb.

Səbuhi Musayev