“Qarabağ” “Neftçi”ni geridə qoyaraq vahid lider oldu - VİDEO

Bu gün futbol üzrə Azərbaycan Premyer Liqasında XXI turun daha bir oyunu keçirilib.

Turun sonuncu oyununda son çempion "Qarabağ" klubu “Keşlə"nin qonağı olub. "ASK Arena"dakı qarşılaşma 1:1 hesabı ilə yekunlaşıb.

"Keşlə"nin heyətində yeganə qolu 7-ci dəqiqədə Rəhman Hacıyev vurub. Oyunun 90+2-ci dəqiqəsində isə Patrik Andrade penaltidən hesabı bərabərləşdirib.

Xallarının sayını 18-ə çatdıran meydan sahibləri 8-ci pillədə qalıb. "Qarabağ" isə 43 xalını qazanaraq "Neftçi"ni bir xal keçib və vahid lider olub.

Qeyd edək ki, günün digər matçlarında "Sumqayıt" səfərdə "Neftçi"ni 2:0, "Sabah" isə evdə "Qəbələ"ni 1:0 hesabı ilə üstələyib. Dünən baş tutmuş "Səbail" - "Zirə" oyununda hesab açılmayıb.