Avropadan Azərbaycana ən çox bu ölkədən gəlirlər
Avropadan Azərbaycana ən çox bu ölkədən gəlirlər
Ölkəmizdə turizm sənayesinin inkişafı, eləcə də, lazımi infrastrukturun olması nəinki qonşu ölkələrdən, həmçinin Avropa ölkələrindən də Azərbaycana gələn turistlərin sayına müsbət təsir edib.
Oxu.Az xəbər verir ki, fins.az-a məsələ ilə bağlı açıqlama verən Azərbaycan Turizm Assosasiyasının rəhbəri Nahid Bağırov bunun bir neçə səbəbinin olduğunu bildirib: “Birinci səbəb kimi ölkəmizin əcnəbi ölkələrdə tanıdılması xüsusi rol oynayır. Digər bir səbəb Avropa ölkələri vətəndaşlarının səfərlərə maraqlarının olması göstərilir. Səbəblərdən biri də Avropa ölkələrində azərbaycanlıların yaşamasıdır. Bu da ölkəmizin tanıdılmasında mühüm rol oynayır”.
Bəs, görəsən, Azərbaycana hansı Avropa ölkəsindən daha çox turist gəlir? Mədəniyyət və Turizm Nazirliyindən verilən məlumata görə, ötən illə müqayisədə Avropa ölkələrindən gələn turistlərin sayında yetərli artım var. Qədim dünyadan Azərbaycana isə ən çox Böyük Britaniyadan turist gəldiyi bildirilir.
Son 6 ay ərzində ən çox Avropa ölkəsindən gələn turistlərin statistikasını təqdim edirik:
Ölkələr |
Son 6 ay ərzində |
Ötən ilin analoji dövrü |
Böyük Britaniya |
16 323 nəfər |
15 560 nəfər |
Almaniya |
7 787 nəfər |
5 995 nəfər |
İtaliya |
4 462 nəfər |
4 374 nəfə |
Lakin Azərbaycana yalnız Avropa ölkələri deyil, həmçinin körfəz ölkələrindən də çoxlu sayda turist gəlir. Ölkəmizə daha çox körfəz ölkələrindən gələn ziyarətçilərin statistikası isə belədir:
Ölkələr |
Son 6 ay ərzində |
Ötən ilin analoji dövrü |
İran |
180 103 nəfər |
95267 nəfər |
BƏƏ |
44 196 nəfər |
10086 nəfər
|
L.Ə.