Türkiyə 6 ayda turizmdən 5,5 milyard dollar qazanıb

Türkiyənin turizmdən gəliri ilin ikinci rübündə keçən ilin eyni dövrü ilə müqayisədə 8,7 artaraq 5 milyard 413 milyon 48 min dollar təşkil edib. 

Oxu.Az  xəbər verir ki, bu barədə Türkiyənin  Statistika Təşkilatı (TÜİK) məlumat yayıb. 

Hesabata əsasən, turizm gəlirinin 81,3 faizi xarici turistlərin, 18,7 faizi isə xaricdə yaşayan vətəndaşların səfərlərinin payına düşüb. 

İlin ikinci yarısında xərclərin 4 milyard 442 milyon 643 min dollarını fərdi xərclər, 970 milyon 405 min dollarını isə tur xərcləri təşkil edib. Adambaşına ortalama xərcləmə 611 dollar olub. Xaricilərin ortalama xərcləri 570 dollar, xaricdə yaşayan vətəndaşların ortalama xərcləri  845 dollar təşkil edib. 

Türkiyəyə səfərlər 18,3 faiz artıb. 

L.Ə.

www.oxu.az