Bakı-İstanbul marşrutu üzrə təxirə salınan reyslər yola düşüblər

Bakı-İstanbul marşrutu üzrə təxirə salınan hər üç reysin sərnişinləri təyinat hava limanına AZAL-ın ən böyük geniş füzelyajlı təyyarəsi olan “Airbus A340” ilə yola düşüblər.

Bu barədə “Azərbaycan Hava Yolları”nın Mətbuat Xidməti məlumat yayıb.

Bildirilib ki, AZAL-ın İstanbul-Bakı marşrutu üzrə ləğv edilmiş reyslərinin sərnişinləri eyni təyyarə ilə Bakıya qayıdacaqlar.

Xatırladaq ki, güclü qar yağması səbəbindən İstanbul hava limanı fəaliyyətini dayandırmış, AZAL-ın bir neçə reysi gecikib və təxirə salınıb.