“Amnesty International” Kəlbəcərdə: “Məzarlar yenicə dağıdılıb” - FOTO

Baş qərargahı Böyük Britaniyanın London şəhərində yerləşən “Amnesty International” təşkilatının Baş böhran məsləhətçisi, eləcə də, münaqişə dövründə müharibə cinayətlərinin və insan hüquqları istismarının istintaqı ilə məşğul olan nümayəndə Donatella Rovera Kəlbəcər ərazisində monitorinq aparıb.

Təşkilatın nümayəndəsi özünün “Twitter” hesabından Kəlbəcərin qəsdən ermənilər tərəfindən dağıntılara məruz qalması, mənəvi dəyərlərə ziyan vurulması barədə məlumat verib. 

O, paylaşımlarından birində Dağlıq Qarabağın Kəlbəcər bölgəsindəki evlərin dağıdılmasından yazıb:

“1993-cü ildə yurdlarını tərk etmək məcburiyyətində qalan azərbaycanlıların evlərində 27 illik işğal dövründən sonra nə bir qapı, nə bir pəncərə, nə də bircə dam örtüyü belə qalmayıb”.

Houses stripped bare in #Kalbajar region of #NagornoKarabakh. During 27 years of occupation all was looted - not a door, nor a window, not a single roof tile was left in the houses of the Azerbaijanis who had to flee in 1993. #Azerbaijan #Armenia pic.twitter.com/RtyPThcBfF

— Donatella Rovera (@DRovera) December 2, 2020

“Mina əraziləri, devrilmiş tanklar, atılan hərbi dəbilqələr və Dağlıq Qarabağda Kəlbəcərə gedən yolda tərk edilmiş hərbi müdafiə mövqeyi. Bu yaxınlarda Azərbaycanın Ermənistandan geri aldığı ərazi”, - deyə o qeyd edib.

Minefields, overturned tanks, discarded military helmets and abandoned military defense position on the road to #Kalbajar in #NagornoKarabakh - territory recently recaptured by #Azerbaijan from #Armenia pic.twitter.com/9exS7DiqTg

— Donatella Rovera (@DRovera) December 2, 2020

Donatella Rovera əlavə edib ki, Dağlıq Qarabağın Kəlbəcər bölgəsindəki qəbiristanlıqda, 1993-cü il erməni işğalından əvvəl burada dəfn edilmiş azərbaycanlıların məzarları da dağıdılıb.

Eləcə də, xüsusilə vurğulayıb ki, 27 illik işğaldan sonra Azərbaycan ərazisini tərk edən ermənilər görünən bəzi məzarları yenicə dağıdıblar.

Smashed graves in a cemetery in #Kalbajar region of #NagornoKarabakh, of Azerbaijanis who were buried here before the 1993 Armenian occupation. Some graves were freshly smashed, seemingly by Armenians who left the area last week after 27 years of occupation #Azerbaijan #Armenia pic.twitter.com/9gNq9Lpafd

— Donatella Rovera (@DRovera) December 2, 2020

Daha iki paylaşım Ermənistan silahlı qüvvələrinin Gəncədə dinc əhalini raket atəşinə tutması ilə əlaqədar günahsız insanların qətlə yetirilməsi ilə əlaqədardır.