Türkiyə parlamentinin sədri məlum olub

Türkiyə Böyük Millət Məclisinin (TBMM) sədri postuna seçkilər başa çatıb.

Oxu.Az-ın APA-ya istinadən məlumatına görə, ilk iki turda namizədlərdən heç biri 2/3, yəni 367 səs toplaya bilməyib. Üçüncü turda 50%+1, yəni minimum 276 səs qazanmaq yetərli olduğu üçün bu turda 289 səs toplayan hakim Ədalət və İnkişaf Partiyasının (AKP) namizədi, 1940-cı il təvəllüdlü İsmayıl Qəhrəman yenidən TBMM-nin sədri seçilib.

Xatırladaq ki, AKP-nin birinci və ikinci turda iştirak edən ehtiyat namizədi Tamer Dağlı üçüncü turdan əvvəl namizədliyini geri götürüb. 

N.О.

www.oxu.az