Pittsburq sinaqoqunda atışma: ölənlər var - VİDEO + YENİLƏNİB

ABŞ-ın Pittsburqdakı İctimai Təhlükəsizlik İdarəsinin rəhbəri Vendell Hissrik sinaqoqda baş verən atışma nəticəsində 11 nəfərin həlak olması barədə KİV-də yayılan məlumatları təsdiqləyib.

Oxu.Az xəbər verir ki, bu barədə o, CNN telekanalına müsahibəsində deyib.

Oktyabrın 27-də Pittsburq sinaqoqunda naməlum şəxs atəş açıb. Polislə qarşıdurma zamanı o yaralanıb və asayiş keşikçilərinə təslim olub. KİV-in verdiyi məlumatlara görə, hücum edən şəxs Rob Bauerdir, onun 48 yaşı var.

27.10.2018  20:29

ABŞ-da sinaqoqa hücumda şübhəli bilinən şəxs polislə atışma zamanı yaralanıb.

Oxu.Az xəbər verir ki, bu barədə yerli KDKA telekanalı məlumat yayıb.

Hadisə yerində olan müxbirin sözlərinə əsasən, şübhəli şəxs - ağdərili kişi - sərbəst ayaq üstə dayanmağa çətinlik çəkirmiş.

Daha öncə polis sinaqoqda atəş açan şəxsin saxlanılması barədə xəbəri təsdiq etmişdi. Ölənlər barədə hələlik rəsmi açıqlama verilməyib, lakin KİV 8 nəfərin qətlə yetirildiyini iddia edir.

19:22

Pittsburq (Pensilvaniya ştatı, ABŞ) sinaqoqunda atışma baş verib. 

Oxu.Az xəbər verir ki, polis artıq 7 nəfərin öldürüldüyünü təsdiqləyib. Lakin qurbanların sayının 8 olması da istisna edilmir.

Hadisə şahidlərinin bildirdiyinə görə, hücum edən kişi ilə hadisə yerinə gələn polis əməkdaşları arasında atışma baş verib. 

Şəhər meriyası Pittsburq sakinlərinə evlərindən bayıra çıxmamağı tövsiyə edib.