Rusiyada ermənini güllələdilər

Rusiyanın Novosibirsk şəhərində 42 yaşlı erməni Andranik Muradyan güllələnib.

RBK-nın xəbərinə görə, qətl hadisəsi iyunun 25-də, axşam saatlarında Qoqol küçəsində törədilib.

Məlumata əsasən, A.Muradyana küçədən keçən avtomobildən atəş açılıb. Belə ki, naməlum şəxs avtomobili səkidə saxlayaraq ermənini yaralayıb və hadisə yerindən qaçıb. A.Muradyan baş və sinə nahiyələrindən çoxsaylı güllə yarası alıb.

İstintaqın məlumatına əsasən, A.Muradyana tapançadan azı 5 dəfə atəş açılıb. O, tibb məntəqəsində həyatını itirib.

Faktla bağlı araşdırma aparılır.