İsrail helikopterləri Suriya mövqelərinə zərbələr endirdi

İsrail helikopterlərinin Kuneytrədə yerləşən Suriya mövqelərinə zərbə endirməsi nəticəsində üç suriyalı hərbçi yaralanıb.

Suriyanın “Ikhbariya” telekanalı xəbər verir ki, zərbələr Qolan yüksəkliklərindən həyata keçirirlib.

“Hücuma Suriyanın Kahtaniya və əl-Hürriyə, həmçinin Kuneytrə şəhərindəki mövqeləri məruz qalıb”, - deyə məlumatda vurğulanır.

Qeyd edək ki, İsrail nadir hallarda Suriyanın Qolandakı mövqelərinə zərbələr endirir.

Son zamanlarda hava zərbələri əsasən Dəməşq istiqamətində həyata keçirilir.