Koronavirus sağlam, gənc insanlar üçün təhlükəlidir - İDDİA

Koronavirus epidemiyası başlayandan xəstəliyin yalnız yaşlı və yanaşı xəstəlikləri olan insanları öldürməsi ilə bağlı xəbərlər yayılır.

“HaberGlobal” məlumat verir ki, elm adamları virusun sağlam və gənc insanları da öldürə biləcəyini deyirlər.

Bunu bəzi ölkələrdə yaşı o qədər çox olmayan şəxslərin ölməsi də sübut edir.

ABŞ Milli Allergiya və Yolxucu Xəstəliklər İnstitutunun həkimi Filip Mörfi bu barədə məqalə yazıb. Onun fikrincə, səbəb ACE2 genindəki (insan orqanizmində yeddi genin idarə olunmasında iştirak edən gen) dəyişikliklərdir. Bunlar virusun hüceyrəyə daxil olmasına və çıxmasına təsir göstərə bilər.

CNN-ə müsahibə verən neyrocərrah Sancay Qupta da ACE2 genində baş verən dəyişikliklərin koronavirusdan ölümə səbəb ola biləcəyini qeyd edib.