Qısqandığı səkkiz yaşlı qardaşını meşəyə apardı və öldürdü

Türkiyənin Antalya şəhərinin Manavqat rayonunda dəhşətli qətl hadisəsi baş verib. 

“HaberGlobal” xəbər verir ki, hadisə zamanı 18 yaşlı oğlan səkkiz yaşlı qardaşını öldürüb. 

Qətldən sonra cinayətkar polisə təslim olub. 

Araşdırmalar zamanı məlum olub ki, 18 yaşlı oğlan hadisəni qısqanclıq zəminində törədib. 

Belə ki, ailəsi səkkiz yaşlı qardaşına daha çox diqqət göstərib, bu da 18 yaşlı oğlanı qıcıqlandırıb. 

Qardaşını meşəyə aparan oğlan orada onu bıçaqlayıb. 

Qonşuları hadisəni törədən şəxsin psixoloji problemlərinin olduğunu bildirirlər.