Roma Papası Pompeo ilə görüşməkdən imtina etdi

Roma Papası Fransisk ABŞ dövlət katibi Maykl Pompeonu Vatikanda qəbul etməyəcək.

“RİA Novosti” agentliyi xəbər verir ki, məlumatı Müqəddəs Taxt-Tacın diplomatik xidmətinin rəhbəri Pol Riçard Qallaher də təsdiq edib.

Qeyd olunur ki, M.Pompeo Romaya Avropa turnesi çərçivəsində gəlib.

R.Qallaher hesab edir ki, ABŞ səfirliyinin Romada dini azadlıqların qorunmasına dair təşkil etdiyi simpozium Birləşmiş Ştatlarda təşkil edilən seçkiöncəsi kampaniyanın bir hissəsidir.  

“Bu, Papanın dövlət katibi M.Pompeo ilə görüşməməsinin səbəblərindən biridir”, - deyə arxiyepiskop qeyd edib.