ABŞ-ın Moskvadakı səfiri çamadanlarla iqamətgahından ayrıldı

ABŞ-ın Moskvadakı səfiri Con Sallivan iqamətgahından ayrılıb.

TASS xəbər verir ki, o ABŞ-a getmək üçün Şeremetyevo hava limanına yollanıb.

Səfirin avtomobilinə üç çamadan yüklənib, bundan sonra o, maşına minərək qapıdan çıxıb.

Rusiya Xarici İşlər Naziri Sergey Lavrov 16 apreldə keçirdiyi mətbuat konfransında bildirib ki, Rusiya prezidentinin köməkçisi Yuri Uşakov Sallivanla görüşündə məsləhətləşmələr üçün Vaşinqtona getməsini tövsiyə edib.